تعبت أكذب على نفسي

تعبت أكذب على نفسي وأمني خاطري بالقاك
وأقول انك على عهدي وميثاق الهوى باقي

تعبت أمشي ورى حلمٍ خذلني يا غلا وياك
أنا وش لون باطوي البعد وانته تنشد فراقي

تمنيتك تجي تأخذ بقايا طيف من ذكراك
يناوش فكري الساهي وينبش داخل أعماقي

رحلت ولا تركت اللي يهوّن غيبتك وبطأك
خذاك البعد عن عيني وكلك ساكن إحداقي

نثرت حروف من شعري تنادي لك هنا وهناك
عسى يا عل تقراها وتشفي جرح دفّاقي

حزينة مغرمة بطيفك هجرها فرحها بفرقاك
لأنك مصدرا لهامي وعشقي وباقي أشواقي

كتبت ولا دريت إن الزمن عن حبنا ألهاك
غريبة شلون هالدنيا قوَت تنسيك تشتاقِ

قصيدي بالوله والشوق يرسم لهفتي ألقياك
عساها وين ما حلّت تعانق ذوقك الراقي

سنين تمر من عمري وأنا مالي سوى رجواك
تعال احضن بقايا العمر يا عمري الذي باقي

تعبت أكذب على نفسي وامني خاطري لقياك
وأقول الحلم يتحقق تجي وتحرر وثاقي
__________________